睇返星期日出show既片....早上既練習完全影響左果日既表現

而依2日就喉嚨好乾,好痛.....睇黎真係唔可以打邊爐住....

距離真正既好返都仲有好長既路...........

好想激動d,真係一排完全唔唱,可以嗎???要同大家傾傾先....

都要有幾日禁聲先得.....

今早6點幾凍醒,個喉嚨又好痛,即刻去攞被,著多件,再飲埋蜜糖水再瞓過

嗯,冬天黎啦~~我d衫少左好多....冬夏既衫都只需一個櫃就裝得曬......

可唔可以買下衫咁呢....

星期二再入邵氏,因著便服+平底boot,成個過程都舒服好多,投入好多

星期四去左做gym,大脾酸到家陣都未好返....

星期六 6:40起身入TVB

終於到左present既一日,冇點緊張,不過就冇星期二咁投入

成個project告一段落了,真係.....幾有感情.....

特別係Rox佢地一直咁支持我地,而我地7個人既感情都愈來愈好

星期六晚本話返屋企擺低野再出去打邊爐...但我頂唔順瞓左.......好對唔住......係我錯.......

今日,即星期日,係每年一度既我承諾live band show

第3年玩了,真係要好多謝阿川俾咁多次既機會俾我

都要多謝Rox2人專登黎睇我同Anton出show

把聲唔太好....唱得唔太好....但係講野以及動作方面好左,再全部一齊繼續進步!!

星期四夜晚去左九龍灣夾野,至十二點幾先走

好在有Hannah,可以飛的返到屋企

由於星期四夜瞓,所以第二日瞓到十點幾先起床,好累

之後同爸爸2個人去左飲茶,其實我買左份禮物送俾佢....

但我怕羞,最後都冇送到俾佢......

星期六7點起左身,去將軍澳

先入TVB化妝,set頭,再映相,食飯

映相果part好好笑,大家都喊"技窮",而我自己就有d lost,唔知佢想我點

一個咁講,另一個又唔係咁講....原來最終要既野係......出show咁既款~~明曬

下晝入邵氏試場地,由於我支咪唔岩係果個場地用,所以下次先帶佢出黎show下啦~~

比原定時間早左完,所以7人去左食下午茶傾下計咁,真係好搞笑

多謝果日咁多位老細同埋工作人員既幫助!!!

下星期二要再入多次試場,希望下次我會好d,唔好好似果日咁....

果晚一返到屋企未洗白白就係沙發瞓著左了,不過我有起身沖涼的!!!

今日瞓到成12點先起到身,不過都仲係好累,要多d做下運動先得!!!

今日下晝去左阿輝屋企,6點鐘就打邊爐了,太早了~~所以好多野剩

食完又好眼瞓...頂唔順係佢張沙發度瞓著左真係唔好意思....

返屋企果時同阿jan,aiko傾左好多野

最後先發覺,原來我都係個好固執既人,原來我有好多缺點,原來我諗野係咁天真,幼稚

我既付出實在太少,目標也不清晰

不可以再這樣欺騙自己,我要的也不是那麼簡單的東西

要尋回做我的人生目標,要努力100倍才有回報

今日十二點morning call阿欣起身,就係知佢會起唔到身～

最後,何嘉慶放左我地2個飛機!!!!你想死呀?????

不過我地都有去飲茶~~2個大食積一共食左7碟野,真係嚇死人!!!!~

之後去幫妹妹補習

完左就去左九展睇Arch Enemy

比起好多show黎講,都算好準時開show

全場氣氛好好,Arch Enemy都冇揸流灘,fing到我d bye bye肉冇曬,個頭就斷了~~

覺得d聲唔夠勁,但咁都好既,唔使咁辛苦,夜晚唔使俾"wingwing"聲搞到瞓唔著~~

不過認真唔夠喉!!!!!玩長d就好了

Ｉ　ＬＯＶＥ　ＹＯＵ　ＧＵＹＳ！！！！ＡＲＣＨ　ＥＮＥＭＹ！！！

琴晚到今日既心情都極之差，係極之差

今日，覺得電話好黑人憎，有一刻想丟爛佢，但都係唔好同錢作對好ｄ．．．．

放學之後去左荔枝角搵Rilson食譚仔,多謝你陪我呀!!!

今日返工，有個小朋友喊左，仲大聲爆粗罵人，我都好想大聲爆粗罵返人

將依ｄ心情好好keep住，留待明晚睇Arch Enemy再發泄曬佢出黎

放工之後，去左幫表妹買野.....好在拉左"gif"去....差d重到返唔到黎....

再去周生生買左條手鏈.....點解我成日都要幫人買野既...不過....都仲ok既~~因為可以買野